大家好啊，又系我OC君喺呢个时间出现，
我今晚又又又又又同大家分享下我最近噶觅食啦
小榄有甜苑冰室，港口有凯莉冰室、康乐冰室，沙溪有沙溪冰室
中山每个镇区都有佢地嘅冰室记忆，或新或旧。
今日我地行远少少，落到*圃、南头食下冰，
都已经立秋，酒店、商场都开始卖月饼，
再唔去食冰要等到几时。
去晶菱饮杯冰水，系好多*圃后生仔夏天回忆嘅一部分，从旧铺食到去新铺，睇住佢搬到睇住佢重开，从以前的一页菜单到现在的一页两面菜单，从只卖经典嘅冰水雪糕小食到现在紧跟流行卖起水果茶，味道都系个种味道，时代在进步，老店也紧跟住我地口味嘅转变一齐成长。
（感谢人超好、靓仔到爆灯的*圃暴龙哥供图）
难得去晶菱帮衬，报复式点单，四杯嘢饮，龟苓膏，西多士，炸鸡翼、豉油鸡翼，炸菜花、炸薯饼，烫菜，鸡爪等等等等，一次食翻够皮咁款….
4杯嘢饮：两杯冰水一杯水果茶一杯雪梨茶
红豆冰，斋冰水，冰水味道超经典，就系个种菠萝冰冰水咁噶味，但喺我个人就麻麻地红豆冰用菠萝冰冰水做基底，可能我饮惯斋甜冰水做底，呢杯混住菠萝冰味道嘅红豆冰，饮落味道有点唔系好惯。水果茶里面水果好多，味道同埋杯雪梨茶一样冇乜特别，不过不失。
豉油鸡中翼
一份3只，同屋企自己煮噶有d唔同，豉油味唔会好浓，带有少少香料味，食落有肉汁，味道不算重但都算入味，皮唔会太谂仲有小小爽爽地。
炸菜花
味道又系好经典，菜花炸都够干身，食落唔怕好多油，孜然粉+椒盐粉味道搭配噶调味料比较惹味，唔会太咸，下次继续。
龟苓膏+蜜糖
都唔知道边个话龟苓膏+炼奶会热气，食几日煎炸嘢噶我喺龟苓膏+炼奶定系+雪糕之间，思想斗争咗好耐，最终选择了龟苓膏+蜜糖。龟苓膏够晒苦，当然同几十蚊碗噶龟苓膏系药材味方面肯定冇得比噶啦，但系一盅食晒，我觉得自己D热气落得七七八八咁就够晒啦。
炸薯饼
3块薯饼好大块，炸到外面超级脆，里面比较糯，带小小粒，口感更偏向薯蓉咁，小朋友食到停唔到口。
沙姜鸡脚
见到好多人点外卖，于是心郁郁点嚟试下。够入味，只只都够晒大只，肉够厚，又够晒爽口，好适合买嚟电视个阵做零食，买嚟系办公室食就唔好啦，好大阵盐焗鸡粉个阵沙姜味。
其他就唔细讲了，毕竟味道就不过不失。
三大一细，食到咁多嘢，埋单先一百蚊，呢个价喺市区基本冇乜可能实现到…
“新铺”干净“企理”，服务虽然不算热情，但系令人舒服。
如果你睇到呢篇文，然后想专门开车去试下，OC君劝你冷静D好，唔系唔推荐，都唔系店家唔好，系觉得冇乜必要特登专门特别开几十公里车从中山南部走到中山北部饮杯冰水打个卡。